Literatura Topaketak: Ana Urkiza

Data: Ekainaren 18an
Ordutegia: 19:00etan
Tokia: Foru Liburutegian, 5. solairuan, Hitzaldi Aretoan
Idazlea: Ana Urkiza.
Hizkuntza: Euskara


Doako sarrera, edukiera osatu arte (Foru Liburutegian sartu ahal izateko, sarreran NANa, pasaportea edota Liburutegiko txartela aurkeztu behar da).

2015eko maiatzeko Batzordeak

Oraintsu bukatu den hilabetean orain arteko emaitzarik onenak lortu ditugu batzordeetan txosten biopsikosozialak euskaraz aurkezteko helburua jarri genuenetik.

Maiatzaren 7ko batzordean lehen aldiz aurkeztu ziren txosten guztiak euskaraz, 8 txosten. Hurrengo asteko batzordean ere, maiatzeran 14an, txosten guztiak euskaraz idatzita aurkeztu ziren, oraingoan 4. Maiatzaren 21eko batzordean 7 txosten aurkeztu ziren, 4 gaztelaniaz eta 3 euskaraz. Eta joan den astean, maiatzaren 28ko batzordean, 8 txosten aurkeztu ziren, 5 euskaraz eta 3 gaztelaniaz.

Guztira maiatzean 27 txosten biopsikosozial aurkeztu dira mendetasuna ebaluatzeko batzorde teknikoan, eta horietatik 20 euskaraz idatzita aurkeztu dira, 7 gaztelaniaz. Ehunekoetara pasatuta, %75 euskaraz eta %25 gaztelaniaz.

Segi horrela!

Interesgarria izango delakoan

Gurea ez den arren, uste dut interesgarria dela Umeen Zerbitzuko ebaluazio txostenetan landutako hiztegiari tartetxo bat eskaintzea:


- Agente derivante = Agente deribatzaile
- Agua corriente = Edateko ura
- Antecedentes = Aurrekariak
- Centro de salud mental = Osasun Mentaleko Zentro
- Condiciones de habitabilidad = Bizigarritasun baldintzak
- Corresponsabilidad = Erantzunkidetasun
- Electricidad = Elektrizitate (argindar)
- Familia extensa = Familia zabal
- Familia nuclear = Familia nuklear
- Familiares convivientes = Ekarrekin bizi diren familiakoak
- Fuente de derivación = Deribazio iturri
- Grado de cronicidad del problema = Arazoaren kronikotasun maila
- Habilidad para la resolución de conflictos = Gatazkak ebazteko trebetasun
- Hacinamiento = Pilaketa
- Higiene = Higiene
- Historia familiar = Familia historia
- Incapacitado laboral = Lanerako ezindu
- Incierto = Zalantzazko
- Institucionalización = Instituzionalizazio
- Nº de colegiado/colegiada = Elkargokide zk.
- Negativo = Negatibo
- Nivel de desprotección = Babesgabezia maila
- Personas allegadas = Hurbileko pertsonak
- Plan de caso = Kasu plan
- Plan de contingencia = Kontingentzia plan
- Plan de trabajo = Lan-plan
- Porcentaje de asistencia = Eskolaratze ehuneko
- Posibles disfuncionalidades = Balizko disfuntzionaltasunak
- Positivo = Positibo
- Preservación familiar = Familia babeste
- Pronóstico = Pronostiko
- Punto de encuentro = Elkargune
- Relación de parentesco = Ahaidetasun-harreman
- Relaciones conflictivas = Harreman gatazkatsuak
- Rendimiento académico = Errendimendu akademiko
- Reunificación familiar = Familia berriz elkartzea
- Seguimiento pediátrico = Jarraipen pediatriko
- Separación permanente = Behin betiko banantzea
- Separación temporal = Aldi baterako banantzea
- Servicio residencial especializado = Egoitza-zerbitzu espezializatu
- Situación laboral = Lan egoera
- Solicitud de guarda = Zaintza-eskaera
- Tratamiento farmacológico = Tratamendu farmakologiko
- Uso del tiempo libre = Aisialdiaren erabilera
- Visitas domiciliarias = Etxez etxeko bisitak

Errenta aitorpenak euskahaldunak behar ditu!!!

Aldundiko langileok KORRIKAren kilometroa erosteko egindako ahalegina izugarria izan da eta beste behin ere lortu egin dugu! Jarrai dezagun euskararen alde lan egiten!!

Errenta aitorpena aurkezteko garaia heltzear da, 2013an euskaraz aurkeztutako errentak %2,17 izan ziren, %2,17 euskaldun. Bada, askoz ere gehiago garela erakutsi egin dugu, beraz, lagundu gaitzazue ERRENTA EUSKAHALDUNTZEN!!

Euskaraz bizi nahi dugulako, egin dezagun 2014ko errenta euskaraz!

Literatura topaketak: Danele Sarriugarte

Data: Apirilaren 23a
Ordutegia: 19:00
Tokia: Foru Liburutegia, 5. solairua, Hitzaldi Aretoa
Idazlea: Danele Sarriugarte
Hizkuntza: Euskara

Doako sarrera, edukiera osatu arte (Foru Liburutegian sartu ahal izateko, sarreran NANa, pasaportea edota Liburutegiko txartela aurkeztu behar da).

Euskarazko Irakurle Taldea 2015

Datak: urtarrilaren 29tik ekainaren 18ra, hamabostean behin ostegunetan, 18:00-20:00

Dinamizatzailea: Txani Rodríguez

Lekua: Foru Liburutegiko 5. solairuan

Gehienez: 20 pertsona (hurrenkeraz)

Hizkuntza: euskara

Foru Liburutegira sartzeko NANa, pasaportea edo Liburutegiko txartela aurkeztu behar da.

Euskararen eguna

Abenduaren 3an Euskararen Nazioarteko Eguna ospatuko dugu. Barriro euskara taldetik lanpostuan ere euskaraz aritzera animatzen zaituztegu.

Aurten egun horretan "Euskaraz bizi nahi dut" leloa duen kamiseta janztera gonbidatzen zaituztegu!

Kamiseta ez duenak hurrengo helbidean eska dezake:

info@euskarazbizinahidut.org

Gozatu euskara!!!

Literatura topaketak

XABIER OLASO

Lekua: Foru Liburutegia (5. solairua, Hitzaldi Aretoa).
Data eta ordua: maiatzak 29 (osteguna), 19:00etan.
Moderatzailea: Txani Rodríguez.
Hizkuntza: Euskara.
Sarrera librea edukiera osatu arte (Foru Liburutegian sartu ahal izateko, NANa edo pasaportea aurkeztu behar da sarreran).

Eman giltza!

http://www.emangiltza.com/es

Eman giltza!

ALDUNDIAK "EMAN GILTZA- ¡HÁBLALE, ESCÚCHALE!" KANPAINA BULTZATU DU, EUSKARAREN TRANSMISIOA FAMILIA BARRUAN SUSTATZEKO

Alkarbide foro teknikoak koordinatu du kanpaina, eta, bertan, lurraldeko 54 erakundek, 2 mankomunitatek eta 39 udalerrik hartzen dute parte. Proiektuaren lehentasunezko helburua da nabarmentzea familia zer garrantzitsua den euskara belaunaldiz belaunaldi transmititzeko zereginean.

Bizkaiko Foru Aldundiko Euskarako zuzendari Ana de Castrok, EUDELeko Andoni Busquetekin eta Txorierriko Mankomunitateko presidente Lander Aiarzarekin batera, "Eman giltza-¡Háblale, escúchale!" kanpaina aurkeztu du, zeinaren helburua den euskararen belaunaldiz belaunaldiko transmisioa sustatzea. Kanpaina jaioberrien eta 1 eta 6 urte bitarteko umeen gurasoei zuzenduta dago; familia barruan euskararen erabilera sustatzeko zenbait aholku jasotzen dituen diptikoa emango zaie gurasooi. Ekimenari buruzko informazioa emateko sortutako web orrialdearen berri ere ematen da diptiko horretan. Gainera, honako hauek banatuko dira: adurzapiak, meriendarako poltsak, autorako pegatinak eta KU-KU gidak (euskarazko hitzak, esapideak eta kantak biltzen dituen CD batekin) Materiala 10 000 familiak eta 2 mankomunitatek jasoko dute.

Prentsaurrekoan, euskararen familia barruko transmisioa bultzatzeko datozen asteetan emango den sustapen-bideoa ikusi da.

Ekimenean, Enkarterri eta Txorierriko mankomunitateek parte hartu dute, eta udalerri parte-hartzaileak honako hauek izan dira: Abadiño, Abanto-Zierbena, Amorebieta-Etxano, Arrankudiaga, Arrieta, Arrigorriaga, Balmaseda, Basauri, Berango, Berriz, Bilbo, Durango, Elorrio, Erandio, Ermua, Etxebarri, Etxebarria, Fruiz, Galdakao, Gernika-Lumo, Gordexola, Kortezubi, Laukiz, Leioa, Lemoa, Markina-Xemein, Maruri-Jatabe, Mundaka, Munitibar-Arbatzegi-Gerrikaitz, Muskiz, Orozko, Ortuella, Sestao, Sukarrieta, Trapagaran, Ugao-Miraballes, Urduña, Zaldibar, Zeberio eta Zierbena.  

Administrazio Hizkera On-Line ikastaroa

Datorren astean hasiko da Administrazio Hizkera On-Line 1 ikastaroa. Ataleko 15 langilek egingo dute ikastaro hori. Astelehen eta asteartean ikastaroaren aurkezpena izango dugu, arratsaldeko 16:00etan eta 17:00etan Lantiken egoitzan. Hortik aurrera lan egiteko prest egongo gara.

Gogoratu ikastaroan lau idazki mota landuko ditugula: bilera-deia, ziurtagiria, iragarkia eta eskabidea. Asko ikasiko duzue eta espero dut zuen gustukoa izatea. Datozen asteetan ikusiko dugu ikastaroa nola doan, eta zalantzark izanez gero argituko ditugu.

Animo izena eman duzuen guztioi eta eman egurra ikastaroan!

Argazkia: www.miflotador.com  

Aldundiaren kanpaina berria: Gurekin euskaraz, nahi baduzu

 Bizkaiko Foru Aldundiak bat egin du biztanleriaren zati handi baten eta erakundeko langile askoren nahiarekin eta, esparru informaletan eta jendaurreko ataletan, euskararen erabilera sustatzeko kanpaina bat abiatu du. Helburu nagusia da euskara esparru informaletan eta jendaurreko ataletan erabiltzeak duen garrantziaz sentsibilizatzea eta egoera horietan erabilera bultzatzea.

Jendaurreko ataletan, “Gurekin euskaraz, nahi baduzu” leloa duen diptikoa banatuko du Bizkaiko Foru Aldundiak, mostradoreetan edo, nahi izanez gero, norberak bere mahai gainean jartzeko. Horrela, mostradorera hurbiltzen diren herritar edo langile euskaldunek euskara erabiltzeko aukera gehiago izango dute.

Jendaurreko gune, mostradore, erakusleiho, mahai eta bestelakoetarako diptikoak sail bakoitzeko Zerbitzu Orokorretatik bideratuko dira. Norbaitek euskararekiko konpromisoa erakutsi nahi duelako-edo bere mahai gainean diptikoa jarri nahi badu, Hizkuntz Normalizaziora bidera dezake bere eskabidea.

Leku informaletan -igogailuetan, kafe-lekuetan, jantokietan...- ere euskaraz gozatzeko aukera paregabea dugula gogorarazten digu Aldundiak.

Beraz, kanpaina honekin, Bizkaiko Foru Aldundiak beste urrats bat egin nahi izan du euskararen eta gaztelaniaren erabilera orekatuagoa lortzeko.

5000 Hiztegia sarean dago erabilgarri

Juan Luis Goikoetxeak eginiko hiztegiaren bertsio eguneratua erabilgarri dago sarean, kontsulta egin ahal izateko. Bizkaiko Foru Aldundiak laguntza eman du 90562 hitz jasotzen dituen argitalpen hori digitalizatzeko.

Bilbon, 2013ko ekainaren 10ean.- M. Josune Ariztondo Kulturako foru diputatuak Xabier Kintana euskaltzainak, Juan Luis Goikoetxea eta Patxi Uribarren, 5000 Hiztegiaren egileak argitalpenaren eta haren digitalizazioaren nondik norakoak azaldu dituzte. Hona hemen hiztegia kontsultatzeko esteka:http://www.azkuefundazioa.org/5000-hiztegia.

Hiztegia eguneratuta dago, hainbat hitz, sinonimo eta antonimo gehitu baitira.

Berritasunen artean, nabarmendu behar da hiztegia entzuteko aukera ere badagoela, EHUren Aholab sistema instalatu baita.

Datorren astean Hizkuntz Eskakizunen azterketak izango ditugu aldundian

Hizkuntz eskakizunak egiaztatzeko frogak Bilboko Poza Lizentziatua K/ko 15-4.ean egingo dira, eta ondoan agertzen diren egunetan, hizkuntz eskakizun bakoitzari dagokionaren arabera:

1.HE

AZTERKETA IDATZIA

2013ko ekainaren 17a

8:30ean

- Guztiak.

AHOZKO AZTERKETA

2013ko ekainaren 18a

9:00etan.

2.HE

AZTERKETA IDATZIA

2013ko ekainaren 18a

8:30ean

- Guztiak.

AHOZKO AZTERKETA

2013ko ekainaren 20a

8:30ean.

3.HE

AZTERKETA IDATZIA

2013ko ekainaren 19a

8:30ean

- Guztiak.

AHOZKO AZTERKETA

2013ko ekainaren 21a

8:30ean.

4.HE

AZTERKETA IDATZIA

2013ko ekainaren 17a

8:30ean

- Guztiak.

AHOZKO AZTERKETA

2013ko ekainaren 19a

9:00etan.

Nahi dudalako!

NAHI DUDALAKO!, BATXILERGOAN ETA LANBIDE HEZIKETAN EUSKARAZKO IKASKETAK SUSTATZEKO KANPAINA MARTXAN DA

Bizkaiko 18 udalerrik eta 2 mankomunitatek parte hartu dute Nahi dudalako! ekimenean. DBH3 eta DBH4ko ikasleen artean zabalduko da kanpaina. Alkarbidek -Bizkaiko Euskara Zerbitzuen bilguneak- koordinatuta, DBH3 eta DBH4ko ikasleengana heldu nahi da kanpaina honen bidez.

Aurreko urteetan bezala aurten ere Bizkaiko hainbat udalerrik abian jarri dute Nahi dudalako! kanpaina. Kanpainaren helburu nagusia da DBH euskaraz egin duten gazteek hortik aurrerako ikasketak ere euskaraz egitea.
Alkarbidek, Bizkaiko euskara zerbitzuen bilguneak, koordinatu duen proiektu honetan Bizkaiko 18 udalerrik eta 2 mankomunitatek parte hartu dute eta 15 eta 16 urteko gazteei zein euren gurasoei zuzenduta dago.

Hartzaileak

Egitasmoaren hartzaileak kanpainan parte hartu duten udalerrietako DBH3 edo/eta DBH4 ikasten ari diren gazteak eta horien gurasoak dira.

Helburua

Derrigorrezko Bigarren Hezkuntzako 3. eta 4. mailan ari diren gazteek hortik aurrerako ikasketetan ere euskarazko eredua aukeratzea eta horretarako behar duten informazio guztia ematea, gazteoi zein euren guraso edota orientatzaileei. Informazio hori www.nahidudalako.com web gunean dute ikusgai.

Parte hartzaileak

Bizkaiko 18 udal eta 2 mankomunitate. Guztira, honako 33 erakunde hauek: Abanto-Zierbena, Arrigorriaga, Balmaseda, Basauri, Berango, Berriz, Bilbo, Elorrio, Enkarterriko Mankomunitatea, Erandio, Etxebarri, Gordexola, Laukiz, Maruri-Jatabe, Muskiz, Ortuella, Portugalete, Sestao, Txorierriko Mankomunitatea, Zierbena.

Kanpainaren edukia eta euskarriak

Kanpainaren ardatza www.nahidudalako.com web gunea da. Bertan gazteek Batxilergoa zein Lanbide Heziketa euskaraz egiteko duten eskaintzaren berri zehatza jaso ahal izango dute. Aurten gainera, unibertsitateko eskaintza zein den ikusteko aukera ere badute gazteek eta euren zalantzen inguruan eztabaidatzeko tuentia ere erabilgarri izango dute. Horrekin batera, DBH amaitu eta euskara ikasten jarraitu duten hainbat gazteren testigantzak ere jaso ditugu web gunean. Euretan gazteek zergatik ikasi duten euskaraz azaltzen dute.
Gainera web gunean sartu eta inkestan parte hartzen duten gazteek hainbat sari irabazteko aukera izango dute, hola nola, tableta, Nintendo 3 DS eta multi-abentura egun pasa.
Web gunearekin batera kanpainaren berri emateko diptikoa banatuko zaie kanpaina bultzatu duten udalerrietako gazteei eta gazteon gurasoek kanpainaren nondik norakoak azaltzen dituen gutuna jasoko dute etxean. Guztira, 5300 eskuorri banatuko dira Bizkaiko 33 udalerritan.
Horrekin batera gazteentzako hainbat hitzaldi ere antolatu dira, euretan euskaraz ikastearen garrantzia nabarmendu eta www.nahidudalako.com web gunean zer aurkituko duten azalduko zaie gazteei. Itxaso Paya izango da hizlaria, eremu eta familia ez euskaldunean bizi arren euskara lehen hizkuntzatzat duen gaztea.

Azken albistea

ALDUNDIAK PRESTAZIOA ORDAINDUKO DIE MENDETASUN MODERATUA DUTEN PERTSONEI

Asteartea, 2013ko otsailaren 12a

Espainiako Gobernuak ezarritako blokeoa gorabehera, Aldundiak bere konpromisoari eutsiko dio; ahulenei ez die murrizketarik ezarriko, eta bete egingo ditu Mendetasunari buruzko Legean ezarritako konpromisoak.

Gaur, Bizkaiko Foru Aldundiaren Gobernu Kontseiluak onartu du mendetasun moderatua (lehengo I.2 gradua) duten pertsonak familia barruan zaintzeko prestazio ekonomikoa ematen jarraitzea. Gutxi gorabehera 700 pertsonak kobratu dute prestazioa Bizkaian, 2012. urtean, eta uste da 2013. urtean 700-1000 eskaera gehiago egongo direla.
Espainiako Gobernuak blokeatu egin du prestazio ekonomiko hori, defizit publikoari aurre egiteko neurri gisa. Neurri horrek, ordea, ekarriko du Bizkaiak aurrez ikusitakoa baino 3 milioi euro gehiago gastatzea Mendetasunari buruzko Legea betetzeko. Horiek horrela, Gizarte Ekintza Sailak 455 milioi eurotik gorako aurrekontua izango du, Aldundiaren aurrekontuaren ia erdia. Adinekoei, prestazioei eta mendetasun zein desgaitasun arloko diru-laguntzei bideratutako partiden batura aurrekontu guztiaren % 70 da.
Kudeaketa ona
Mendetasunari buruzko Legea 2007. urtean indarrean jarri zenetik hona, Bizkaian guztira 45 milioi euro jaso dituzte mendetasuna duten pertsonek (gradu guztiak kontuan hartuta).
Bizkaiak bikain bat lortu du Espainiako Observatorio Estatal para la Dependencia behatokiak lege horren aplikazioaren inguruan orain dela bost urtetik hona sei hilean behin ematen duen irizpenean. Izan ere, puntuazioa handiena lortu du Espainiako Asociación Española de Directoras y Gerentes de Servicios Sociales elkarteak efizientzia neurtzeko aukeratutako parametro guztietan (besteak beste, kudeaketa, zerbitzu, itxaron-zerrenda, biztanleko gastu edo ikerketa).

Beste pausotxo bat!

Albiste pozgarria aldundian euskararentzat eta euskaldunontzat: Gizarte Ekintza Saileko Ikuskapen eta Kontrol Zerbitzua aste honetatik aurrera jakinarazpenak elebidun bidaltzen hasi da!

Benetan pozgarria da halako aurrerapausoen berri izatea. Onena da, gainera, ematen duela hasierako pauso hau bide polit baten hasiera baino ez dela, zerbitzu honetan euskararen alde lan egiteko gogo bizia dago eta. Hizkuntza normalizatzeko bidean, badakigu lan handia egin behar dela helburu txikiak lortzeko, hori dela eta, eskerrik asko egiten duzuen esfortzuagatik. Zalantzarik gabe laster albiste pozgarri gehiagoren berri izango dugu zerbitzu honek egindako lanari buruz.

Animo eta segi bide beretik!

D bitamina

ALDUNDIAK ETA BIZKAIKO 36 UDALERRIK EUSKARAZKO EREDUEN ALDEKO INFORMAZIO KANPAINA ABIAN JARRI DUTE

Bizkaiko 36 udalerrik parte hartuko dute 2013-2014 aurrematrikulazio kanpainan umeak lehen aldiz matrikulatzen dituzten gurasoen artean banatzeko. Alkarbidek –Bizkaiko Euskara Zerbitzuen bilguneak- koordinatuta, 2-3 urteko seme-alabak dituzten 7.000 familiari zuzenduko zaie kanpaina.

Orain dela lau urtetik hona D bitamina, Aberastu bere heziketa! egitasmoa abian jarri izan da Bizkaiko hainbat udalerritan eta aurten ere Bizkaiko 21 udalerri eta 2 mankomunitatek elkarlanean burutu dute ekimena.

Urte hasieran zabalduko dute aipatutako informazio-kanpaina, 2-3 urteko umeen eskolatze-aldia hasi baino zertxobait lehenago, gurasoek bidalitako informazioaren inguruan hausnarketa egiteko astia izan dezaten. Alkarbidek, Bizkaiko euskara teknikarien bilguneak, koordinatu duen ekimen honetan guztira 7.000 liburuxka inguru banatuko dira kanpainan parte hartu duten udalerrietan.

Aurten gainera, kanpainari buruzko iritzia jasotze aldera, inkesta bat ere bidaliko zaie hartzaileei. Inkesta horren bidez kanpainari buruzko iritzia emateaz gain, gurasoek euren kezka eta zalantzak ere helarazi ahal izango dizkiete euskara zerbitzuetako arduradunei. Inkesta betetzen duten guztien artean euskarazko produktuen sorta zozketatuko da.

Helburua

Umeak eskolan lehen aldiz matrikulatzen dituzten gurasoei D ereduari buruzko informazioa ematea eta eredu hori aukeratzeko arrazoiak azpimarratzea.

Parte hartzaileak

Bizkaiko 21 udal eta 2 mankomunitate. Guztira, honako 36 udal hauek:

Abanto-Zierbena, Arrieta, Arrigorriaga, Balmaseda, Basauri, Berango, Bilbao, Enkarterriko Mankomunitatea, Erandio, Etxebarri, Fruiz, Gamiz-Fika, Gatika,  Gordexola, Leioa, Mungia, Muskiz, Ortuella, Sestao, Txorierriko Mankomunitatea, Urduña, Zaldibar eta Zierbena.

Kanpainaren edukia

Kanpainaren osagarri nagusiak lau dira:

- Udaleko ordezkariren batek (alkateak edo euskara zinegotziak) sinatutako gutuna, euskarazko ereduetan ikasteak dakartzan abantailen berri ematen duena.

- Gutuna bidaltzeko gutunazala. Gutunazalaren beraren barruko aldean agertzen dira D eredua aukeratzeko arrazoiak.

- Eskolan hasiko diren neska-mutikoentzako oparia (kanpainaren leloa idatzita duen           neurgailua).

- Inkesta. Gurasoek kanpainari buruz duten iritzia eta gaiaren inguruan dituzten kezkak eta zalantzak jaso ahal izateko. Inkesta betetzen duten guztien artean euskarazko produktuen sorta zozketatuko da.

Hartzaileak

Gutxi gorabehera, kanpainaren sustatzaile diren udalerrietan bizi eta 2-3 urteko umeak dituzten 7.000 familia izango dira.

http://www.bizkaia.net/home2/Archivos/DPTO4/Noticias/Pdf/Complet%202012-13.pdf?idioma=EU

Aldundiko hizkuntz-eskakizunen 1. deialdiko azterketa egunak

Animo azterketa egingo duzuen guztioi eta lasai egon, ondo egingo duzue eta.

1.HE:
Azterketa idatzia: 2013ko urtarrilaren 28an, 08:30ean
Ahozko azterketa: 2013ko urtarrilaren 29an, 09:00etan

2.HE:
Azterketa idatzia: 2013ko urtarrilaren 29an, 08:30ean
Ahozko azterketa: 2013ko urtarrilaren 31n, 08:30ean

3.HE:
Azterketa idatzia: 2013ko urtarrilaren 30ean, 08:30ean
Ahozko azterketa: 2013ko otsailaren 1ean, 08:30ean

4.HE:
Azterketa idatzia: 2013ko urtarrilaren 28an, 08:30ean
Ahozko azterketa: 2013ko urtarrilaren 30ean, 09:00etan.