Aste honetako batzordea labur-laburra izan da gizarte-langileek kasu bakarra aurkeztu dutelako; kontuan hartu behar da gutxienez 6 bat kasu aurkezten direla normalean. Hala ere, azpimarratzekoa izan da gaurko batzordean Sheilak aurkeztu duelako kasua eta Sheila ez da ohiko parte hartzailea. Hori dela eta, meritu handia du kasua euskaraz azaldu duelako eta baita kasuaren eginbidea euskaraz idatzi duelako ere. Gaurko batzordean, beraz, eginbideen %100 izan da euskaraz idatzitakoa.
Zalantzak eta zuzenketak:
Akatsak:
- *Ez dauzka gogoak etxetik ateratzeko = Euskaraz GOGO singularrean erabiltzen da (gogoa daukat), ez gaztelaniaz bezala (tengo ganas). Beraz, ez dauka etxetik ateratzeko gogorik, eguneko zentrora joateko gogoa dauka... eta halako esaldiak erabili behar ditugu.
Hiztegia:
- Amputar = Moztu, ebaki, anputatu (hanka ebaki behar izan diote)
- Amputación = Ebakitze, mozte, anputazio (ezker hankako anputazioa)
- BVD = MBB (Baremo de Valoración de la Dependencia = Mendekotasuna Baloratzeko Baremoa)
- Post-traumático = Trauma-ondoko (estrés post-traumático = trauma-ondoko estresa)
- Préstamo = Mailegu (Mailegu bat eskatu dio bankuari)
- Prótesis = Protesi (ezker hankako protesia)
- Seguimiento = Segimendu, jarraipen (gaixotasunaren segimendua egin beharko dugu)
- Trastorno de la personalidad = Nortasun-nahasmendu
iruzkinik ez:
Argitaratu iruzkina